Preparatning savdo nomi
Sinupret

Dori shakli
Draje

Tarkibi

1 draje maydalangan dorivor o‘simlik xom-ashyosi (kukun) saqlaydi
faol moddalar
Gentianae radix (gorechevka ildizi) 6 mg
Primulae flos (pervotsvet guli savatchasi bilan) 18 mg
Rumicis herba (shovil o‘ti) 18 mg
Sambuci flos (buzina guli) 18 mg
Verbenae herba (verbena o‘ti) 18 mg
yordamchi moddalar kaltsiy karbonati, kanakunjut moyi, suvsiz kolloid kremniy dioksidi, asosi butillangan metakrilat sopolimeri, jelatin, glyukoza siropi, laktoza monogidrati, magniy oksidi, makkajo‘xori kraxmali, dekstrin, tog‘ glikol mumi, kartoshka kraxmali, xlorofilin birikmasi, tozalangan suv, shellak, sorbit, stearin kislotasi, saxaroza, talk, titan dioksidi, indigokarmin (alyumin) (E132), riboflavin Ye104.
Ta'rifi dumaloq, ikki tomoni qavariq, yashil rangli, yuzasi silliq draje.

Farmakoterapevtik guruhi
LOR­a'zolari kasalliklarini davolash uchun vosita.
ATX kodi R05X.


Farmakologik xususiyatlari

O‘simliklardan olinadigan majmuaviy preparat.
Preparatning farmakologik xususiyatlari uning tarkibiga kiruvchi biologik faol moddalar bilan belgilanadi. Sinupret® sekretolitik, sekretomotor va yallig‘lanishga qarshi ta'sir ko‘rsatadi. Burunning yondosh bo‘shliqlari va yuqori nafas yo‘llaridan ekssudatning oqib chiqishiga yordam beradi. Shu bilan birga preparat virusga qarshi va antibakterial xususiyatlariga ega va infektsiyalarda yordam beradi.


Farmakokinetikasi

Taqdim qilinmagan.


Qo‘llanilishi

Qovushqoq sekret hosil bo‘lishi bilan kechuvchi o‘tkir va surunkali sinusitlarda qo‘llanadi.


Qo‘llash usuli va dozalari

Kattalarga 2 drajedan kuniga 3 marta buyuriladi.
Maktab yoshidagi bolalarga 1 drajedan kuniga 3 marta.
Davolash kursi 7-14 kunni tashkil qiladi.
Draje butunligicha, chaynamasdan ko‘p bo‘lmagan miqdordagi suv bilan yutiladi.
Agar kasallikning simptomlari 7-14 kundan ortiq saqlansa yoki vaqti­vaqti bilan takrorlansa, shifokor bilan maslahatlashish lozim.

Nojo‘ya ta'sirlari
Me'da­ichak buzilishlari (masalan, qorinda og‘riq, ko‘ngil aynishi) kam hollarda namoyon bo‘ladi. Yakka hollarda teri toshmasi, qichishish, qizarish kabi allergik reaktsiyalar kuzatilishi mumkin. Shuningdek Kvinke shishi, hansirash, yuzni shishi kabi allergik reaktsiyalar ham paydo bo‘lishi mumkin. Nojo‘ya samaralari paydo bo‘lganida preparatni qo‘llashni to‘xtatish va shifokorga murojaat qilish kerak.

Qo‘llash mumkin bo‘lmagan holatlar

Preparatning komponentlariga yuqori sezuvchanlik.
6 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Antibakterial dori vositalari bilan majmuada qo‘llash mumkin va maqsadga muvofiqdir. Boshqa dori vositalari bilan o‘zaro ta'siri hozirgi vaqtgacha noma'lum.


Maxsus ko‘rsatmalar

Agar kasallikning simptomlari 7-14 kundan ortiq saqlansa, vaqti­vaqti bilan takrorlansa, shuningdek hansirash, isitma, yiringli balg‘am paydo bo‘lganida shifokorga murojaat qilish zarur.
Preparat transport vositalarini boshqarish va mexanizmlar bilan ishlash qobiliyatiga ta'sir qilmaydi.
Sinupret preparati homiladorlik davrida faqat shifokorning buyurishi bo‘yicha qo‘llanishi mumkin.
Emizish davrida preparatni qo‘llash tajribasi yo‘qligi tufayli, qabul qilish tavsiya qilinmaydi.
Qandli diabet bemorlari uchun ma'lumot bir draje o‘rtacha 0,01 “non birligi” (NB) ni saqlaydi. Qandli diabeti bo‘lgan bemorlarda qo‘llanishi mumkin.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Doza oshirib yuborilgan holatlarda yuqorida ko‘rsatilgan nojo‘ya ta'sirlar kuchaygan shaklda namoyon bo‘lishi mumkin. Davolash simptomatik.


Chiqarilish shakli

Draje har birida 25 drajedan blisterlar.
O‘ram o‘lchami№ 50 va №100


Saqlash sharoiti

Quruq, yorug‘likdan himoyalangan, 30°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Shifokor retsepticiz.