Preparatning savdo nomi
Klimadinon

Dori shakli
Ichga qabul qilish uchun eritma

Tarkibi

Klimadinon 100 g eritmasi quyidagilarni saqlaydi
50% (x/x) etil spirtida tayyorlangan 12 g simitsifuga ildizpoyasining suyuq ekstrakti (Cimicifuga rhizome 15).
Etanol miqdori 35,0 - 40,0% (xajm nisbatida).
yordamchi moddalar saxarin natriy digidrati, yalpiz moyi, tozalangan suv.
Ta'rifi tiniq yoki biroz xira, och-jigarrang rangli, shirin ta'mli va hidli, yog‘och ta'mini eslatuvchi suyuqlik. Saqlash jarayonida biroz cho‘kma tushishi mumkin.

Farmakoterapevtik guruhi
Ginekologik kasalliklarni davolash uchun boshqa preparatlar. O‘simliklardan olinadigan klimaksga qarshi dori vositasi.
ATX kodi G02SX04


Farmakologik xususiyatlari

Ushbu o‘simlikdan olinadigan dori preparatini qo‘llash klimaks davridagi loxaslik simptomlarini yengillashtirishga yordam beradi. Ta'sir mexanizmi va klimakterik simptomlarini yaxshilanishiga yordam beruvchi komponentlar ma'lum emas.

Farmakokinetikasi

Ta'riflanmagan.


Qo‘llanilishi

Qizish hissi va ko‘p terlash kabi, menopauza simptomlarini yengillashtirish uchun o‘simlikdan olinadigan dori vositasi.


Qo‘llash usuli va dozalari

Dozalash
Patsiyentlar
bir martalik doza
kunduzgi doza
Menopauza davridagi ayollar
30 tomchi
60 tomchi
Qo‘llash usuli
Ichga qabul qilish uchun buyuriladi. Suyuqlik suyultirilmagan xolatda yoki oz miqdordagi qand bilan (ertalab va kechqurun) qabul qilinadi.
Davolash davomiyligi
Agar simptomlar davolash kursi davomida saqlansa, shifokor yoki farmatsevt bilan maslahatlashing.
Shifokor maslahatisiz Klimadinon® eritmasini 6 oydan ortiq qo‘llash mumkin emas.

Nojo‘ya ta'sirlari
Teri reaktsiyalari (masalan toshma, qichishish), yuzni shishi, periferik shishlar va me'da-ichak buzilishlari (masalan dispepsiya, diareya) paydo bo‘lishi mumkin. Simitsifugani saqlovchi preparatlarni qabul qilish bilan bog‘liq bo‘lgan jigarni shikastlanishi (shu jumladan gepatit, sariqlik, jigar tahlillari ko‘rsatkichlarini o‘zgarishi) mumkinligi haqida xabar berilgan. Iltimos shuningdek
Maxsus ko‘rsatmalar
bo‘limiga ham qarang.
Nojo‘ya ta'sirlar paydo bo‘lganida dori vositasini qabul qilishni to‘xtatish va shifokorga murojaat etish kerak.


Qo‘llash mumkin bo‘lmagan holatlar

Preparatning komponentlariga yuqori sezuvchanlik. Alkogolizmi bo‘lgan patsiyentlarda Klimadinon eritmasini qo‘llash mumkin emas (etil spirti saqlaydi).

Dorilarning o‘zaro ta'siri
Aniqlanmagan.


Maxsus ko‘rsatmalar

Shifokor bilan maslahatlashmasdan jigar kasalliklari bo‘lgan patsiyentlar Klimadinon ni qabul qilmasliklari kerak.
Jigarni shikastlanishini ko‘rsatuvchi simptomlar (toliqish, ishtahani yo‘qolishi, teri va ko‘zlarni sarg‘ayishi, ko‘ngil aynishi va qusish yoki siydikni to‘qlashishi bilan kechuvchi qorinning yuqori qismida kuchli og‘riqlar) paydo bo‘lganida darhol preparatni qabul qilishni to‘xtatish va shifokorga murojaat etish kerak.
Agar qindan qon ketishi yuzaga kelsa yoki boshqa simptomlar paydo bo‘lsa, shifokor bilan maslahatlashing.
Shifokor maslahatisiz ayollar jinsiy gormonlari (estrogenlar) ni qabul qilayotgan patsiyentlar, shuningdek sut bezi raki yoki boshqa gormonga bog‘liq o‘smalar yuzasidan davolangan yoki davolanayotgan patsiyentlarda preparatni qo‘llash mumkin emas.
Ushbu dori vositasi 38% alkogol saqlaydi (xajm jihatdan).
Jigar kasalliklari, tutqanog‘i bo‘lgan patsiyentlar preparatni faqat shifokor bilan maslahatlashgandan keyin qabul qilishlari mumkin.
Homiladorlik va emizish davrida qo‘llashning xavfsizligi aniqlanmagan. Yetarli ma'lumotlarni yo‘qligi tufayli, preparatni homiladorlik va laktatsiya davrida qo‘llash tavsiya etilmaydi.
Tug‘ruq yoshidagi ayollar davolash vaqtida samarali kontratseptsiyadan foydalanish imkoniyatini ko‘rib chiqishlari kerak.
Preparat tavsiya etilgan dozalarda avtomobilni boshqarish va mexanizmlar bilan ishlash qobiliyatiga ta'sir ko‘rsatmaydi.
Ishlatilganda flakonni vertikal holatda tuting.
Eritmani saqlash jarayonida xiralashishi yoki biroz cho‘kma tushishi mumkin. Bu preparatning samaradorligiga ta'sir ko‘rsatmaydi.
Qo‘llashdan oldin chayqatilsin!


Dozani oshirib yuborilishi
.

Dozani oshirib yuborilishi
xolatlari haqida ma'lumotlar yo‘q. Davolash simptomatik.


Chiqarilish shakli

Ichga qabul qilish uchun eritma, 50 va 100 ml.
50 yoki 100 ml dan preparat buraladigan qopqoqli vertikal dozalovchi moslama bilan jihozlangan to‘q rangli shisha flakonda, qo‘llashga doir yo‘riqnomasi bilan birga karton qutiga joylanadi.


Saqlash sharoiti

25°C dan yuqori bo‘lmagan haroratda saqlansin.
Bolalar olaolmaydigan joyda saqlansin.




Yaroqlilik muddati

3 yil.
Ochilgan flakonni 6 oy davomida qo‘llash mumkin.

Yaroqlilik muddati
o‘tgach ishlatilmasin.


Dorixonalardan berish tartibi

Retseptsiz.