Nukleo S.M.F. Forte kaps. №30

Preparatning savdo nomi

Nukleo s.m.f. forte

Dori shakli

kapsulalar

Tarkibi

1 kapsula quyidagilarni saqlaydi
faol moddalar 5 mg sitidin-5-monofosfatining dinatriyli tuzini, uridin-5-trifosfatining trinatriyli tuzi, uridin-5-difosfatining dinatriyli tuzi, uridin-5-monofosfatining dinatriyli tuzini, hammasi bo‘lib 3 mg (1,330 mg toza uridinga to‘g‘ri keladi) saqlaydi;
yordamchi moddalar limon kislotasi, natriy sitrati, magniy stearati, suvsiz kolloid kremniy dioksidi, mannit (E 421)
Ta'rifi oq, gigroskopik kukun saqlovchi moviy rangli qopqoqcha va kulrang korpusli №2 kapsulalar.

Farmakoterapevtik guruhi

. nerv tizimiga ta'sir qiluvchi vositalar.
ATX kodi N07XX

Farmakologik xususiyatlari

Nukleo S.M.F. Forte o‘z tarkibida markaziy nerv tizimi (MNT) kasalliklarini davolash uchun keng qo‘llaniladigan nukleotidlar sitidin monofosfati (TSMF) va uridin trifosfatini (UTF) saqlaydi.
Biokimyoviy nuqtai nazardan ushbu komponentlarning ta'siri quyidagicha
SMF neyronal membrana, asosan sfingomiyelin – miyelin qobiqning asosiy komponentini shakllantiruvchi lipidlar kompleksining sintezida ishtirok etadi. Shuningdek SMF nuklein kislotalarining (DNK va RNK) o‘tmishdoshi hisoblanadi, u o‘z navbatida xujayra metabolizmining (masalan, oqsil sintezida) asosiy elementa hisoblanadi.
UTF SMF ta'sirini to‘ldirib glikolipidlar, neyronal strukturalar va miyelin qobiqning sintezida koferment sifatida ta'sir qiladi. Bundan tashqari UTF mushaklarni qisqarish jarayonida energiya manbai sifatida ta'sir qiladi.
SMF va UTF asosan miyelin qobiq va boshqa nerv strukturalari asosini tashkil qiluvchi fosfolipidlar va glikolipidlar sintezida ishtirok etadi. Bu jadal metabolik faollikka yordam beradi. Bu o‘z navbatida periferik nervlarni shikastlanishida demiyelinizatsiyani boshqarib miyelin qobiqning regeneratsiya jarayonlariga yordam beradi. Shunday qilib, SMF va UTF ta'sirlarining birlashishi miyelin qobig‘ining regeneratsiyasi, nerv qo‘zg‘alishini to‘g‘ri o‘tkazilishi va mushak trofikasini tiklanishiga yordam beradi.
Nukleo S.M.F. Forte o‘z tarkibida fiziologik mahsulotlar saqlaydi. Undagi ekzogen va endogen komponentlarni miqdoriy aniqlash murakkabligi sababli preparatda klassik farmakokinetik tekshirishlarni o‘tkazish imkoniyati yo‘q. Shuningdek katta radiologik yuklanish sababli radioaktiv nishonlangan mahsulot bilan taxlil o‘tkazish imkoniyati yo‘q.

Qo‘llanilishi

Suyak-bo‘g‘im (ishias, radikulit), metabolik (alkogolli, diabetik polineyropatiya), infektsion (o‘rab oluvchi temiratki) nevropatiyalarini va Bella falajini davolash.
Yuz, uch shoxli nerv, qovurg‘alararo nevralgiya, lyumbagoni davolash.

Qo‘llash usuli va dozalari

Nukleo S.M.F. Forte ichga qabul qilinadi.
Kattalar 1-2 kapsuladan sutkada 2 marta.
5 yoshdan oshgan bolalar 1 kapsuladan sutkada 2 marta.
Nukleo S.M.F. Forte ovqatdan oldin yoki keyin qabul qilinishi kerak. Zarurati bo‘lganida kapsulalarni qabul qilish shifokor tavsiyasiga ko‘ra 20 sutkaga uzaytirilishi mumkin.
Nojo‘ya ta'sirlari
Ta'riflanmagan. Yuqori sezuvchanligi bo‘lgan shaxslarda allergik reaktsiyalar kuzatilishi mumkin. Preparatni qo‘llash bilan bog‘liq bo‘lgan nojo‘ya reaktsiyalarni paydo bo‘lish hollarida shifokor bilan maslahatlashing.

Qo‘llash mumkin bo‘lmagan holatlar

Preparatning alohida komponentlariga ma'lum allergik reaktsiyalar.
Dorilarning o‘zaro ta'siri
Aniqlanmagan.

Maxsus ko‘rsatmalar

Homiladorlik va emizish davrida qo‘llanishi agar shifokor fikricha ona uchun kutilayotgan ijobiy samara homila/bola uchun potentsial xavfdan yuqori bo‘lsa preparatni homiladorlik yoki emizish davrida qo‘llash mumkin.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati nukleo S.M.F. Forte transport vositalarini boshqarish va murakkab mexanizmlar bilanishlash qobiliyatiga ta'sir qilmaydi.
Bolalar. preparat 5 yoshdan oshgan bolalarda qo‘llanadi.

Dozani oshirib yuborilishi

Preparatning past toksikligini e'tiborga olib, hatto tasodifan terapevtik doza oshirib yuborilganida ham zaharlanishning ehtimoli kam.

Chiqarilish shakli

15 kapsuladan blisterda, 2 blisterdan karton qutida.

Saqlash sharoiti

Bolalar olaolmaydigan joyda, 30°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retseptsiz.

Ishlab chiqaruvchi

ning nomi va manzili.
Ferrer Internacional, S.A./Ferrer Internacional, S.A.
Gran Via Karlos III, 94, 08028 Barselona, Ispaniya/Gran Via Carlos III, 94, 08028 Barcelona, Spain.