Preparatning savdo nomi
Termikon®
Ta'sir etuvchi modda (XPN) terbinafin

Dori shakli
sirtga qo‘llash uchun sprey

Tarkibi

Bir ballon (flakon) quyidagilarni saqlaydi
faol modda terbinafin gidroxloridi (terbinafin) - 0,30 g;
yordamchi moddalar etanol (rektifikatsiya qilingan etil spirti) – 11,25 g, propilenglikol – 0,60 g, poloksamer (proksanol 268) – 0,30 g, tozalangan suv – 17,55 g.
Ta'rifi tiniq, rangsiz yoki och-sariq rangli, o‘ziga xos etil spirti hidli suyuqlik.

Farmakoterapevtik guruhi
. zamburug‘larga qarshi vosita.
ATX kodi D01AE15.


Farmakologik xususiyatlari

Zamburug‘larga qarshi keng ta'sir doirasiga ega sirtga qo‘llash uchun zamburug‘larga qarshi preparatdir. Terbinafin past kontsentratsiyalarda dermatofitlarga (Trychophyton rubrum, T. mentagrophytes, T. verrucosum, T. violaceum, T. tonsurans, Microsporum canis, Epidermophyton floccosum), mog‘or zamburug‘lari (asosan C. albicans) va ba'zi dimorf zamburug‘larga (Pityrosporum orbiculare) nisbatan fungitsid ta'sir ko‘rsatadi. Achitqi zamburug‘lariga nisbatan faolligi ularning turiga qarab fungitsid yoki fungistatik bo‘lishi mumkin.
Terbinafin zamburug‘larda amalga oshadigan sterollar biosintezining erta bosqichini spetsifik tarzda o‘zgartiradi. Bu ergosterol tanqisligi va xujayra ichida skvalen to‘planishiga olib keladi, bu zamburug‘ xujayrasini nobud bo‘lishini chaqiradi. Terbinafinning ta'siri zamburug‘ning xujayra membranasida joylashgan skvalenepoksidaza fermentini susaytirish yo‘li orqali amalga oshiriladi.
Terbinafin odamda sitoxrom R450 tizimiga ta'sir qilmaydi va muvofiq ravishda gormonlar yoki boshqa dori preparatlarining metabolizmiga ta'sir qilmaydi.

Farmakokinetikasi

Mahalliy qo‘llanganida so‘rilishi – 5% kamroqni tashkil etadi, biroz tizimli ta'sir ko‘rsatadi.


Qo‘llanilishi

• Terining zamburug‘li infektsiyalarini, shu jumladan
-panja mikozlari (panja “zamburug‘i”)
-chov epidermofitiyalari
-dermatofitlar chaqirgan tananing silliq terisini zamburug‘li shikastlanishi (trixofitiyalar, mikrosporiyalar, epidermofitiyalar, rubrofitiyalar)
• Dimorf zamburug‘lar chaqirgan rangbarang temiratki
• Mog‘or zamburug‘lari chaqirgan bichilishni oldini olish va davolashda qo‘llanadi.


Qo‘llash usuli va dozalari

Sirtga qo‘llanadi.
Kattalar. Termikon® spreyni ko‘rsatmalarga qarab kuniga 1 yoki 2 marta qo‘llash mumkin. Preparatni qo‘llashdan oldin shikastlangan sohalarni sinchkovlik bilan tozalash va quritish kerak.
Preparatni bir tekis purkash uchun purkagich-uchlikka bir necha marta qisqa bosish kerak.
Preparat terining shikastlangan sohalariga va atrofdagi sog‘lom teriga ularni namlash uchun yetarli miqdorda purkaladi.
Davolash davomiyligi va preparatni qo‘llash soni
-tana, boldir dermatomikozi sutkada 1 marta 1 hafta davomida;
-panja dermatomikozi sutkada 1 marta 1 hafta davomida;
-rangbarang temiratki sutkada 2 marta 1 hafta davomida
-chov epidermofitiyasi, mog‘or zamburug‘lari chaqirgan bichilish sutkada 1 marta 1 hafta davomida.

Nojo‘ya ta'sirlari
Preparat purkalgan joylarda qizarish, qichishish va achishish hissi. Allergik reaktsiyalar.


Qo‘llash mumkin bo‘lmagan holatlar

Terbinafin yoki preparatning tarkibiga qiruvchi yordamchi moddalariga yuqori sezuvchanlikda, 18 yoshgacha bo‘lgan bolalarda qo‘llash mumkin emas.
Ehtiyotkorlik bilan jigar va/yoki buyrak yetishmovchiligi, alkogolizm, suyak ko‘migida qon yaratilishini susayishi, o‘smalar, moddalar almashinuvi kasalliklari, qo‘l-oyoq qon-tomirlarini okklyuzion kasalliklarida ehtiyotkorlik bilan qo‘llanadi.

Dorilarning o‘zaro ta'siri
Termikon® sprey uchun biron-bir dorilarning o‘zaro ta'siri noma'lum.


Maxsus ko‘rsatmalar

Klinik ko‘rinishlarning yaqqolligini kamayishi odatda davolashning birinchi kunlari kuzatiladi. Muntazam davolanmaslik yoki uni muddatidan oldin to‘xtatish hollarida infektsiyani qaytalanishi xavfi mavjud. Agar bir hafta davolashdan keyin yaxshilanish belgilari kuzatilmasa, diagnozni verifikatsiya qilish kerak.
Terining shikastlangan sohalariga Termikon® spreyini purkashda ehtiyotkorlikka rioya qilish kerak, chunki spirt ta'sirlanishni chaqirishi mumkin.
Termikon® sprey faqat sirtga qo‘llash uchun mo‘ljallangan. Uni ko‘zlarga tushishidan saqlanish kerak, chunki u ta'sirlanishni chaqirishi mumkin. Preparatni ko‘zlarga to‘satdan tushishida darhol ularni suv bilan yuvish, ta'sirlanishning turg‘un ko‘rinishlari rivojlangan hollarda esa, shifokor bilan maslahatlashish kerak.
Agar preparat ingalyatsiyada nafas yo‘llariga behosdan yuborilgan bo‘lsa, biron-bir simptomlar paydo bo‘lganida va ayniqsa ular turg‘un saqlanib qolganida, shifokor bilan maslahatlashish kerak. Allergik reaktsiyalar rivojlanganida preparatni bekor qilish kerak.
Homiladorlik va laktatsiya
Eksperimental tadqiqotlarda terbinafinning teratogen xususiyatlari aniqlanmagan. Termikon® qo‘llanilganida rivojlanishning biron-bir nuqsonlari haqida xozirgacha xabar berilmagan. Ammo, Termikon® ni homilador ayollarda qo‘llashning klinik tajribasi keskin chegaralanganligi tufayli, uni faqat qat'iy ko‘rsatmalar bo‘yicha qo‘llash kerak.
Terbinafin ko‘krak suti bilan ajraladi. Ammo, emizikli ona tomonidan Termikon® spreyi qo‘llanilganda faol moddaning biroz qismi teri orqali so‘riladi, shuning uchun chaqaloq uchun noxush ta'sirining ehtimoli kam.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.




Dozani oshirib yuborilishi

Preparatning dozasini oshirib yuborilishi hollari haqida xabar berilmagan. Agar Termikon® sprey behosdan ichga qabul qilinsa, Termikon® tabletkasini dozasini oshirib yuborilishidagi kabi nojo‘ya ko‘rinishlarni (bosh og‘rig‘i, ko‘ngil aynishi, epigastral sohada og‘riq va bosh aylanishi) rivojlanishini kuzatish mumkin. Shuningdek preparatda etil spirti borligini e'tiborga olish kerak.
Davolash faollashtirilgan ko‘mir, zarurati bo‘lsa – simptomatik tutib turuvchi davolash.


Chiqarilish shakli

Sirtga qo‘llash uchun sprey 1%. 30 g dan dozalovchi nasos, uchlik va himoya qalpoqcha bilan alyumin ballon yoki polipropilen flakonda yoki purkovchi nasos va himoya qalpoqchali polietilen flakonda. Bir ballon (flakon) davlat va rus tillaridagi qo‘llash bo‘yicha yo‘riqnomasi bilan karton qutida.


Saqlash sharoiti

30oS dan yuqori bo‘lmagan haroratda. Muzlatilmasin.


Yaroqlilik muddati

3 yil.


Dorixonalardan berish tartibi

Retseptsiz.

Qayd etish guvohnomasining egasi/iste'molchilardan e'tirozlarni qabul qiluvchi tashkilot
“Otisifarm” JAJ, Rossiya,
123317, Moskva sh., Testovskaya ko‘ch., 10 uy
Tel. +7 (800) 775-98-19
Faks +7 (495) 221-18-02
www.otcpharm.ru


Ishlab chiqaruvchi

“Farmstandart-Leksredstva” OAJ,
305022, Rossiya, Kursk sh., 2-aya Agregatnaya ko‘ch., 1a/18 uy.
tel./faks (4712) 34-03-13,
www.pharmstd.ru