Preparatning savdo nomi
Tridoks
Ta'sir etuvchi moddalar (XPN) betametazon dipropionati, klotrimazol, gentamitsin sulfati

Dori shakli
krem

Tarkibi

1 g krem quyidagilarni saqlaydi
faol modda 0,5 mg betametazonga ekvivalent betametazon dipropionati, 10,0 mg klotrimazol, 1,0 mg gentamitsinga ekvivalent gentamitsin sulfati.
yordamchi moddalar setostearil spirti, setomakrogol 1000, rangsiz yumshoq parafin, tiniq suyuq parafin, propilenglikol, natriy metabisulfiti, butilgidroksitoluyen, dinatriy etilendiamintetraatsetati, natriy gidrofosfati, natriy digidrofosfati, glitserilmonostearat, metilparaben, propilparaben.
Ta'rifi oq rangli, yumshoq, bir xil krem.

Farmakoterapevtik guruhi
mahalliy ko‘llash uchun majmuaviy kortikosteroidlar.
ATX kodi D07XC01


Farmakologik xususiyatlari

Majmuaviy preparat, yallig‘lanishga qarshi, allergiyaga qarshi, antibakterial va zamburug‘larga qarshi (fungitsid) ta'sir ko‘rsatadi.
Gentamitsin - aminoglikozidlar guruhiga mansub keng ta'sir doirasiga ega antibiotik, bakte¬ritsid ta'sir ko‘rsatadi. Grammanfiy mikroorganizmlar yuqori sezgir - Proteus spp. (indolmusbat va indolmanfiy), Escherichia coli, Klebsiella spp., Salmonella spp., Shigella spp., Campylobacter spp., Sttaphylococcus spp. (metitsilinrezistentlari). Sezgirlar Enterococcus faecalis, Serratia spp., Pseudomonas spp., Acinetobacter spp., Citrobacter spp. Chidamlilar Neisseria meningitides, Treponema pallidum, anaerob mikroblar Streptococcus spp. (Streptococcus pneumoniae dan tashqari), Enterococcus faecalis, Providencia rettgeri.
Betametazon - GKS, mahalliy yallig‘lanishga qarshi, qon tomirlarni toraytiruvchi, allergiyaga qarshi ta'sir ko‘rsatadi.
Klotrimazol - mahalliy qo‘llash uchun imidazol hosilalari guruhiga mansub zamburug‘larga qarshi vosita. Zamburug‘larning xujayra membranasining tarkibiy qismi bo‘lgan ergosterol sintezini buzishi hisobiga ta'sir ko‘rsatadi. Keng ta'sir doirasiga ega dermatofitlar, mog‘or zamburug‘lari, Candida urug‘i zamburug‘lari, Malassezia furfur, Cotynebacterium minutissimun, Streptococcus spp., Staphylococcus spp., T richomonas vaginalis larga nisbatan samarali.


Qo‘llanilishi

Oddiy va allergik dermatit (ayniqsa ikkilamchi infektsiyalanish bilan asoratlangan), aseptik dermatit (shu jumladan diffuz neyrodermatit), cheklangan neyrodermatit, ekzema, dermatomikozalar (dermatofitiyalar, kandidoz, rangbarang temiratki), ayniqsa chov sohasi va terining katta burmala- rida joylashgan; oddiy surunkali temiratki (cheklangan neyrodermit) da qo‘llanadi.


Qo‘llash usuli va dozalari

Sutkada ikki marta terining shikastlangan sohalariga ko‘p bo‘lmagan miqdorda qo‘yiladi va biroz ishqalanadi. Davolash davomiyligi shaxsiy ravishda belgilanadi va kasallikning nozologik shakli va og‘irligiga bog‘liq bo‘ladi. Oyoq panjalarining dermatomikozida davolashning o‘rtacha davomiyligi 2-4 haftanitashkil qiladi.

Nojo‘ya ta'sirlari
Qichishish, achishish, ta'sirlanish, terining quruqligi, follikulit, gipertri¬xoz, steroid xusnbuzar, gipopigmentatsiya, allergik reaktsiyalar. Okklyuzion bog‘lovlar qo‘llanganida - matseratsiya, infektsiyalanish, terining atrofiyasi, striyalar, issiqlik toshmasi. Uzoq muddatli davolashda yoki katta yuzaga qo‘yilganida - tizimli nojo‘ya samaralarini rivojlanishi; tana vaznini oshishi, osteoporoz, AB oshishi, shishlar, MYT shilliq qavatini yaralanishi, infektsiyaning yashirin o‘choqlarini zo‘rayishi, giperglikemiya, qo‘zg‘alish, uyqusizlik, dismenoreya.

Ehtiyotkorlik bilan
Homiladorlik (I uch oyligi), bolalarda ehtiyotkorlik bilan qo‘llanadi.


Qo‘llash mumkin bo‘lmagan holatlar

O‘ta yuqori sezuvchanlik, teri tuberkulyozi, sifilisning teri ko‘rinishlari, suvchechak, oddiy gerpes, vaktsinatsiyadan keyingi teri reaktsiyalari, ochiq jarohatlarda qo‘llash mumkin emas.

Dorilarning o‘zaro ta'siri
Dorilarning o‘zaro ta'siri ta'riflanmagan.


Maxsus ko‘rsatmalar

Ko‘zga tushishidan saqlanish kerak.
Turg‘un bakterial yoki zamburug‘li mikro¬flora paydo bo‘lganida preparatni bekor qilish va muvofiq davolashni buyurish kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari giperkortitsizm ko‘rinishlari.
Davolash preparatni asta-sekin bekor qilish. Simptomatik davolash.
Zarurati bo‘lganida - elektrolit buzilishlarni muvofiqlashtirish.


Chiqarilish shakli

15 g dan tubada, qo‘llash bo‘yicha yo‘riqnomasi bilan birga karton qutida.


Saqlash sharoiti

15°-30°S (59°-86°F) xona haroratida, yorug‘lik va namlikdan himoyalangan joyda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«Oksford Laboratoriz Pvt. Ltd.»,
V-306 Kristal Plaza, Nyu Link Roud, Andxeri (Vest), Mumbay 400 053, Hindiston.