Preparatning savdo nomi
Filtrum®

Dori shakli
tabletkalar

Tarkibi

Bir tabletka quyidagilarni saqlaydi
Faol modda gidrolizlangan lignin (100% moddaga hisoblaganda) – 400 mg;
yordamchi moddalar povidon K 17 (polivinilpirrolidon), kaltsiy stearati, natriy kroskarmelloza.
Ta'rifi to‘q-jigarrang rangli, kulrang-jigarrang dog‘lari bo‘lgan, ikki tomonlama qavariq, kapsulasimon shaklli, riskali tabletkalar.

Farmakoterapevtik guruhi
enterosorbent vosita.
ATX kodi A07VS


Farmakologik xususiyatlari

Filtrum® – yog‘och komponentlarining gidrolizi mahsulotlaridan tashkil topgan tabiiy enterosorbent - lignin polimeri, fenilpropan va gidrotsellyuloza hosilalari uning struktura elementlaridir.
Yuqori so‘rib oluvchi faollikka va nospetsifik dezintoksikatsion ta'sirga ega.
Patogen bakteriyalar va bakterial toksinlar, dori preparatlari, zaharlar, og‘ir metall tuzlari, alkogol, allergenlar, hamda oshiqcha ayrim modda almashinuvi mahsulotlarini, shu jumladan bilirubin, xolesterin, mochevina, endogen toksikoz rivojlanishiga ma'sul bo‘lgan metabolitlarni bog‘lab oladi va organizmdan chiqaradi.
Zaharli emas, so‘rilmaydi, ichakdan 24 soat davomida to‘liq chiqariladi.


Qo‘llanilishi

Dezintoksikatsion vosita sifatida kattalar va bolalardagi kelib chiqishi turlicha bo‘lgan quyidagi ekzogen va endogen intoksikatsiyalarda qo‘llanadi
-dori preparatlari, alkaloidlar, og‘ir metall tuzlari, alkogol va boshqa zaharlar bilan o‘tkir zaharlanish;
-oziq-ovqat toksikoinfektsiyalari, salmonellyoz, dizenteriya, dispepsiyalarini majmuaviy davolash;
-yaqqol intoksikatsiya bilan birga kechuvchi yiringli-yallig‘lanish kasalliklari;
-giperbilirubinemiya va giperazotemiya (jigar va buyrak yetishmovchiligi);
-oziq-ovqat va dori allergiyasi;
-zararli ishlab chiqarish xodimlardagi surunkali intoksikatsiyani oldini olish.


Qo‘llash usuli va dozalari

Ichga, oldindan maydalangandan keyin, ovqatlanishdan va boshqa dori preparatlarini qabul qilishdan bir soat oldin suv bilan ichish maqsadga muvofiqdir.
Preparatning dozasi yoshga, tana vazniga va kasallikning og‘irligiga bog‘liq, preparat kuniga 3-4 marta qabul qilinadi, o‘rtacha bir martalik dozasi 1 yoshgacha bo‘lgan bolalar uchun – ½ tabletka; 1-3 yoshgacha ½-1 tabletka; 4-7 yoshgacha 1 tabletka, 7-12 yoshgacha – 1-2 tabletka; kattalar uchun 2-3 tabletka.
Zarurati bo‘lganida, shifokor tavsiyasiga ko‘ra sutkalik dozani 20-30 g gacha, 3-4 qabulda, oshirish mumkin.
O‘tkir holatlarda davolashning davomiyligi 3-5 kun, allergik kasalliklarda va surunkali intoksikatsiyalarda 14-21 kungacha.
Davolashning qayta kurslari shifokor tavsiyasiga ko‘ra 2 haftadan keyin.

Nojo‘ya ta'sirlari
Kam – allergik reaktsiyalar, qabziyat.
Uzoq vaqt qo‘llash vitaminlarning, kaltsiyning so‘rilishini buzilishiga olib kelishi mumkin, shu sababli polivitaminlar va kaltsiy preparatlarini profilaktik qabul qilish tavsiya etiladi.


Qo‘llash mumkin bo‘lmagan holatlar

Preparatni shaxsiy o‘zlashtiraolmaslik. Preparatni me'da va 12-barmoq ichak yara kasalligining zo‘rayishida ishlatish maqsadga muvofiq emas.

Dorilarning o‘zaro ta'siri
Bir vaqtda ichga qabul qilinadigan ayrim dori vositalarining davolovchi samarasi pasayishi mumkin.


Maxsus ko‘rsatmalar

Preparat alohida qabul qilish qoidasiga rioya qilinganida, boshqa dori vositalari bilan majmuaviy davolashda qo‘llanishi mumkin.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Chiqarilish shakli

10 yoki 15 tabletkadan polivinilxlorid plyonka va 3 turdagi bosma laklangan alyumin folgali kontur uyali o‘ramda.
10 tabletkadan 1, 2 yoki 5 kontur uyali o‘ram yoki 15 tabletkadan 2 yoki 4 kontur uyali o‘ram qo‘llash bo‘yicha yo‘riqnomasi bilan karton qutiga joylanadi.


Saqlash sharoiti

Quruq, yorug‘likdan himoyalangan joyda, 30oS dan yuqori bo‘lmagan haroratda.


Yaroqlilik muddati

2 yil.


Dorixonalardan berish tartibi

Retseptsiz.

Qayd etish guvohnomasining egasi
“AVVA RUS” OAJ, Rossiya, 121614, Moskva sh., Krilatskiye Xolmi ko‘ch., 30 uy, 9 korp.
Tel (495) 956-75-54.
www.avva-rus.ru


Ishlab chiqaruvchi
/e'tirozlarni qabul qiluvchi tashkilot
“AVVA RUS” OAJ, Rossiya, 610044, Kirov sh., Luganskaya ko‘ch., 53a uy.
Tel (8332) 25-12-29, (495) 956-75-54
www.avva-rus.ru
Iste'molchilarning e'tirozlarini ishlab chiqaruvchining manziliga yuborilsin