Preparatning savdo nomi
Noveks Paratsetamol
Ta'sir etuvchi modda (XPN) Paratsetamol

Dori shakli
Ichga qabul qilish uchun suspenziya

Tarkibi

Suspenziyaning har 5 ml quyidagilarni saqlaydi
faol modda 120 mg paratsetamol (BF);
yordamchi moddalar propilenglikol, sorbitol, ksantan kamedi, saxaroza, metilparaben, propilparaben, limon kislotasi, qulupnay aromatizatori (653445), natriy sitrati, qizil Allyura FD&Red40 bo‘yovchisi, ionlardan holi bo‘lgan suv.
Ta'rifi pushti rangli, qulupnay hidili bir xil suspenziya

Farmakoterapevtik guruhi
analgetik-antipiretik
ATX kodi N02BE01.


Farmakologik xususiyatlari

Analgetik-antipiretik. Analgetik, haroratni tushiruvchi va kuchsiz yallig‘lanishga qarshi ta'sirga ega. Ta'sir mexanizmi prostaglandinlar sintezini ingibitsiya qilish va asosan gipotalamusdagi haroratni boshqaruvchi markazga ta'siri bilan bog‘liq.

Farmakokinetikasi

Paratsetamol ichga qabul qilingandan keyin me'da-ichak yo‘llaridan tez, asosan ingichka ichakda passiv transport yo‘li bilan so‘riladi. 500 mg dozada bir marta qabul qilingandan keyin qon plazmasidagi maksimal kontsentratsiyasiga 10-60 minutdan keyin erishiladi va taxminan 6 mkg/ml ni tashkil etadi.
To‘qimalarda keng taqsimlanadi va yog‘ to‘qimasi va orqa miya suyuqligidan tashqari, asosan organizmning suyuq muhitlarida taqsimlanadi.
Oqsillar bilan bog‘lanishi 10% dan kamni tashkil etadi va doza oshirib yuborilganda biroz ortadi. Sulfatli va glyukuronidli metabolitlari hatto nisbatan yuqori kontsentratsiyalarda ham zardob oqsillari bilan bog‘lanmaydi.
Paratsetamol asosan jigarda glyukuronid bilan kon'yugatsiya, sulfat bilan kon'yugatsiya orqali va jigarning aralash oksidazalari va sitoxrom R450 ishtirokida oksidlanish yo‘li bilan metabolizmga uchraydi.
Ko‘p bo‘lmagan miqdorda aralash oksidazalar ta'sirida jigar va buyrakda hosil bo‘lgan va odatda glyutation bilan bog‘lanish orqali detoksikatsiya qilinuvchi salbiy ta'sirga ega bo‘lgan gidroksillangan metabolit –n-atsetil r-benzoxinonimin paratsetamolning dozasi oshirib yuborilganda to‘planishi va to‘qimalar shikastlanishini chaqirishi mumkin. Kattalarda paratsetamolning katta qismi glyukuron kislotasi bilan bog‘lanadi, kamroq darajada - sulfat kislotasi bilan bog‘lanadi. Ushbu kon'yugatsiyalangan metabolitlar biologik faollikka ega emas. Chala tug‘ilgan bolalarda, yangi tug‘ilgan chaqaloqlarda va bir yoshgacha bo‘lgan bolalarda sulfatli metabolit ko‘proq hosil bo‘ladi. Yarim chiqarilish davri 1-3 soatni tashkil etadi. Jigar sirrozi bo‘lgan patsiyentlarda yarim chiqarilish davri biroz ko‘proq. Paratsetamolning buyrak klirensi 5% ni tashkil etadi. Asosan glyukuronidli va sulfatli kon'yugatlar ko‘rinishida siydik bilan chiqariladi. 5% dan kamroq qismi o‘zgarmagan paratsetamol ko‘rinishida chiqariladi.



Qo‘llanilishi

• Infektsion va yallig‘lanish kasalliklardagi isitma
• Turli genezli kuchsiz va o‘rtacha jadallikdagi og‘riq sindromi (shu jumladan bosh og‘rig‘i, migren, tish og‘rishi, nevralgiya, mialgiya, algodismenoriya, jarohatlar va kuyishlarda og‘riq) da qo‘llaniladi.


Qo‘llash usuli va dozalari

Ichga qabul qilish uchun suspenziya.
Bolalar uchun bir martalik doza
3 oylikdan 1 yoshgacha 60-120 mg (2,5 ml - 5 ml),
1 yoshdan 6 yoshgacha 120-150 mg (5 ml - 10 ml),
6 yoshdan 12 yoshgacha 250-500 mg (10 mg - 20 mg) buyuriladi.
Qo‘llash soni - kamida 4 soatlik interval bilan sutkada 4 marta qo‘llanadi.
Davolashning maksimal davomiyligi 3 kun.
Maksimal doza sutkada 4 bir martalik doza.
Kattalar va o‘smirlarga
Kattalar va tana vazni 60 kg dan ortiq bo‘lgan o‘smirlar uchun bir martalik doza 500 mg ni tashkil etadi, sutkada 4 marta, davolashning maksimal davomiyligi – 5-7 kunni tashkil etadi.
Maksimal bir martalik doza – 1 g, maksimal sutkalik doza – 4 g.
Agar isitma (tana haroratini ko‘tarilishi) 3 kun qabul qilingandan keyin saqlanib qolsa, shifokor bilan maslahatlashish kerak.
Preparatni qabul qilishdan oldin yaxshilab chayqatiladi.

Nojo‘ya ta'sirlari
Ovqatni hazm qilish tizimi tomonidan kam hollarda – dispeptik ko‘rinishlar, yuqori dozalarda uzoq vaqt qo‘llanilganda - gepatotoksik ta'sir.
Qon tizimi tomonidan kam hollarda - trombotsitopeniya, leykopeniya, pantsitopeniya, neytropeniya, agranulotsitoz.
Allergik reaktsiyalar kam hollarda - terida toshmalar, qichishish, eshakemi.


Qo‘llash mumkin bo‘lmagan holatlar

Surunkali alkogolizm, paratsetamolga yuqori sezuvchanlik.

Dorilarning o‘zaro ta'siri
Jigar mikrosomal fermentlari induktorlari, gepatotoksik ta'sirga ega bo‘lgan vositalar bilan bir vaqtda ko‘llanilganda paratsetamolning gepatotoksik ta'sirini kuchayish xavfi paydo bo‘ladi.
Antikoagulyantlar bilan bir vaqtda qo‘llanilganda protrombin vaqtini yaqqol yoki o‘rta darajada ortishi kuzatilishi mumkin.
Antixolinergik vositalar bilan bir vaqtda qo‘llanilganda paratsetamolni so‘rilishi kamayishi mumkin.
Peroral kontratseptivlar bilan bir vaqtda qo‘llanganda paratsetamolning organizmdan chiqarilishi tezlashishi va analgetik ta'siri kamayishi mumkin.
Urokozuritik vositalar bilan bir vaqtda qo‘llanilganda ularning samaradorligi pasayadi.
Faollashtirilgan ko‘mir bir vaqtda qo‘llanganda paratsetamolning biokiraolishligi pasayadi.
Diazepam bir vaqtda qo‘llanganda diazepamning ekskretsiyasi kamayishi mumkin.
Izoniazid bilan bir vaqtda qo‘llanganda paratsetamolning toksik ta'sir ko‘rinishlari ta'riflangan.
Karbamazepin, fenitoin, fenobarbital, primidon bilan bir vaqtda qo‘llanganda paratsetamolning samaradorligi kamayadi, bu uning metabolizmini (glyukuronizatsiyasi va oksidlanish jarayonlarini) va organizmdan chiqarilishini oshishi bilan bog‘liq.
Paratsetamol va fenobarbital birga qo‘llanilganda gepatoksiklik holatlari ta'riflangan.
Paratsetamol qabul qilingandan so‘ng 1 soatdan kam vaqt davomida kolesteramin qo‘llanganda, paratsetamolni so‘rilishi kamayishi mumkin.
Lamotridjin bilan bir vaqtda qo‘llanganda lamotridjinning organizmdan chiqarilishi o‘rtacha darajada oshadi.
Metoklopramid bilan bir vaqtda qo‘llanganda paratsetamolni so‘rilish kuchayishi va uning qondagi kontsentratsiyasi ortishi mumkin.
Probenetsid bilan bir vaqtda qo‘llanganda paratsetamolning klirensi ortishi mumkin rifampitsin, sulfinpirazon bilan -jigarda paratsetamolning metabolizmini ortishi natijasida uning klirensi oshishi mumkin.
Etinilestradiol bilan bir vaqtda qo‘llanganda paratsetamolning ichakdan so‘rilishi ortadi.


Maxsus ko‘rsatmalar

Homiladorlik va laktatsiya
Paratsetamol platsentar to‘siq orqali o‘tadi. Hozirgi vaqtgacha paratsetamolning odam homilasiga salbiy ta'siri aniqlanmagan.
Paratsetamol ko‘krak suti bilan ajralib chiqadi uning sutdagi miqdori ona tomonidan qabul qilingan dozaning 0,04-0,23% ni tashkil etadi.
Paratsetamolni homiladorlikda va laktatsiya (emizish) davrida qo‘llash zarurati tug‘ilganida ona uchun davolashdan kutilayotgan foyda va homila yoki bola uchun potentsial xavf sinchkovlik bilan chamalab ko‘rilishi lozim.
Eksperimental tadqiqotlarda paratsetamolning embiotoksik, teratogen va mutagen ta'siri aniqlanmagan.
Jigar funktsiyasini buzilishlarida qo‘llanishi
Jigar funktsiyasini buzilishi bo‘lgan patsiyentlarda ehtiyotkorlik bilan qo‘llaniladi.
Buyrak funktsiyasini buzilishlarida qo‘llanishi
Buyrak funktsiyasini buzilishi bo‘lgan patsiyentlarda ehtiyotkorlik bilan qo‘llaniladi.
Bolalarda qo‘llanishi

Dozalash tartibi
ga qarab qo‘llash mumkin.
Keksa yoshdagi patsiyentlarda qo‘llanishi
Ehtiyotkorlik bilan qo‘llash kerak.
Preparatni yaroqlilik muddati o‘tgandan keyin qo‘llash mumkin emas va bolalar ololmaydigan joyda saqlash kerak.


Chiqarilish shakli

Qahrabo rangli, qalpoqchali, bolalar ololmaydigan qulf bilan ta'minlangan shisha flakonda 120 ml preparat; 1 flakon qo‘llash bo‘yicha yo‘riqnomasi va o‘lchamli stakani bilan kartonli o‘ramda.


Saqlash sharoiti

Yorug‘likdan himoyalangan joyda, 30°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonadan berish tartibi
Shifokor retseptisiz beriladi.


Ishlab chiqaruvchi

HERBION PHARMA
Xerbion Pokiston (Pvt) Ltd.