Klindatsin vaginal krem 2% 20g (№3)

Preparatning savdo nomi

Klindatsin®
Ta'sir qiluvchi modda (XPN) klindamitsin

Dori shakli

vaginal krem

Tarkibi

100 g krem quyidagilarni saqlaydi
faol modda - klindamitsin fosfati 100% moddaga qayta hisoblanganda– 2 g;
yordamchi moddalar natriy benzoati – 4 g; propilenglikol – 44 g; makrogol (polietilenoksid 1500) – 30 g, emulgator №1 yoki emulgator YeM 3398 – 10g, kanakunjut moyi – 10 g;
Ta'rifi oqdan sarg‘ish yoki kremsimon tusli oq rangligacha bo‘lgan krem. Kuchsiz o‘ziga xos hid bo‘lishiga yo‘l qo‘yiladi.

Farmakoterapevtik guruhi

antibiotik – linkozamid
ATX kodi G01AA10

Farmakologik xususiyatlari

Qin ichiga qo‘llash uchun linkozamid guruhi antibiotiki. Preparatning ta'sir mexanizmi mikrob xujayrasida ribosomalarning 50S subbirligi darajasida oqsillarning xujayra ichki sintezini buzilishi bilan bog‘liq.
Klindamitsin keng ta'sir doirasiga ega, bakteriostatik, yuqoriroq kontsentratsiyalarda ba'zi mikroorganizmlarga nisbatan – bakteritsid ta'sir ko‘rsatadi. Bakterial vaginozlarni chaqiruvchi mikroorganizmlar Gardnerella vaginalis, Mobiluncus spp., Bacteroides spp., Mucoplasma hominis, Peptostreptococcus spp.ga nisbatan faol. Trichomonas vaginalis va Candida albicans klindamitsinga sezgir emas.

Farmakokinetikasi

100 mg klindamitsinni bir marta qin ichiga yuborilganidan so‘ng, yuborilgan dozaning o‘rtacha 4% tizimli so‘riladi. Plazmada klindamitsinning maksimal kontsentratsiyasi
20 ng/ ml ni tashkil qiladi.

Qo‘llanilishi

Preparatga sezgir mikroorganizmlar tomonidan chaqirilgan bakterial vaginoz.

Qo‘llash usuli va dozalari

Applikator yordamida qin ichiga yuboriladi.
Tavsiya qilingan bir martalik doza 100 mg klindamitsinni (bitta to‘liq applikator) tashkil qiladi, 3-7 kun davomida uyqudan oldin qo‘llash maqsadga muvofiqdir.
Nojo‘ya ta'sirlari
Allergik reaktsiyalar, kiritilgan joyda ta'sirlanish, sevritsit, vaginit, vulgovaginal kandidoz rivojlanishi mumkin.

Qo‘llash mumkin bo‘lmagan holatlar

Klindamitsin yoki linkomitsinga yuqori sezuvchanlik. Bolalar va 18 yoshgacha bo‘lgan o‘smirlar (xavfsizligi va samaradorligi aniqlanmagan).
Dorilarning o‘zaro ta'siri
Klindamitsin va eritromitsin orasida antagonistik o‘zaro ta'siri aniqlangan. Klindamitsin va linkomitsin orasida kesishgan chidamlilik mavjud.

Maxsus ko‘rsatmalar

Preparat uzoq muddat qo‘llanganida unga sezgir bo‘lmagan mikroorganizmlar ko‘payishi mumkin, ayniqsa, Candida turkumi zamburug‘lari.
Preparatni minimal tizimli so‘rilishi mumkinligi xisobga olib (taxminan 4%), preparatni qo‘llash fonida diareyani paydo bo‘lishini istisno qilib bo‘lmaydi. Bunday holda preparatni bekor qilish kerak.
Boshqa qin ichiga vositalar bilan bir vaqtda qo‘llash tavsiya qilinmaydi. Bolalarda qin ichiga qo‘llashda klindamitsinning samaradorligi va xavfsizligi aniqlanmagan.
Homiladorlik va laktatsiya davrida qo‘llanishi
Ayollarda homiladorlikning I uch oyligida klindamitsinni qo‘llash bo‘yicha klinik tadqiqotlar o‘tkazilmagan, shuning uchun preparatni faqat ona uchun kutilayotgan foyda, homila uchun xavfdan ustun bo‘lgan holdagina qo‘llash mumkin. Homiladorlikning II va III uch oyliklarida qo‘llash mumkin, chunki homilaga xech qanday noxush ta'siri aniqlanmagan.
Klindamitsin intravaginal (qin ichiga) qo‘llanganida ona suti bilan chiqarilishi noma'lum, shuning uchun emizish davrida preparatni qo‘llashdan kutiladigan foyda va go‘dak uchun mumkin bo‘lgan xavfni qiyoslash kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Preparat qin ichiga qo‘llanganida dozani oshirib yuborilishi aniqlanmagan.

Chiqarilish shakli

2% li vaginal krem.
20 g dan alyumin tubada. Har bir tuba 3 ta applikator va qo‘llash bo‘yicha yo‘riqnomasi bilan komplektda karton qutida.

Saqlash sharoiti

Quruq, yorug‘likdan himoyalangan joyda, 20S dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.
Qo‘llash bo‘yicha ko‘rsatmalar
O‘ramida Klindamitsin® bilan birga beriladigan bir martalik applikatorlar kremni qinga to‘g‘ri kiritish uchun mo‘ljallangan.
1.Kremli tyubikning qopqoqchasini yeching. Plastmassa applikatorni tyubikning bo‘yinchasidagi rezbaga burang.
2.Tyubikning qarama-qarshi oxiridan qisib, kremni applikatorga asta chiqaring. Applikatorning porsheni zarur hajm to‘lgunicha mustaqil harakatlanadi. Uning porsheni oxirigacha yetganida applikator to‘ladi.
3.Chalqanchi yotib applikatorni gorizontal ushlang va uni qinga mumkin qadar chuqurroq kiriting, lekin noxush xislar chaqirmasin.
4.Sekin porshenni oxirigacha sekin bosing.
5.Applikatorni qindan ehtiyotkorlik bilan chiqaring va uni tashlab yuboring.

Ishlab chiqaruvchi

. E'tirozlar quyidagi manzilda qabul qilinadi
«Ximiko-farmatsevticheskiy kombinat» AKRIXIN» ochiq aktsionerlik jamiyati (“AKRIXIN” OAJ),
Rossiya, 142450, Moskva viloyati, Noginskiy r-n, Staraya Kupavna sh., Kirov ko‘ch., 29.
Telefon/faks (495) 702-95-03.