Ingavirin kaps.90 mg №7

Preparatning savdo nomi

Ingavirin®
Ta'sir etuvchi modda (XPN) pentandin kislotasining imidazoliletanamidi

Dori shakli

kapsulalar

Tarkibi

Bir kapsula quyidagilarni saqlaydi
faol modda pentandin kislotasining imidazoliletanamidi (vitaglutam) 100% moddaga qayta hisoblaganda – 90,00 mg;

yordamchi moddalar

laktoza monogidrati – 90,00 mg, kartoshka kraxmali – 35,60 mg, kolloid kremniy dioksidi (aerosil) – 2,20 mg, magniy stearati – 2,20 mg.
Kapsula qobig‘ining tarkibi titan dioksidi Ye 171 – 1,3333%, qizil bo‘yovchisi [Ponso 4R] Ye124 – 0,0008%, azorubin bo‘yovchisi Ye122 – 0,3066%, xinolin sarig‘i bo‘yovchisi Ye104 – 0,4207%, jelatin – 100% gacha.
Logotip uchun siyoh tarkibi shellak, propilenglikol Ye1520, titan dioksidi Ye171.
Ta'rifi №2 o‘lchamli qizil rangli kapsula. Kapsulaning qopqog‘ida oq rangli halqa ko‘rinishidagi logotip va halqa ichida I harfi tushirilgan. Kapsulalar ichidagi modda – oq yoki deyarli oq rangli granulalar va kukun; biroz bosganda osongina to‘kiladigan konglomeratlarni hosil bo‘lishiga yo‘l qo‘yiladi.

Farmakoterapevtik guruhi

Viruslarga qarshi vosita. Yallig‘lanishga qarshi vosita.
ATX kodi J05AX.

Farmakologik xususiyatlari

Farmakodinamika

si
Viruslarga qarshi preparat.
Klinika oldi va klinik tadqiqotlarda Ingavirin® preparatining gripp viruslarining A turi (A/H1N1, shu jumladan “cho‘chqa grippi” A(H1N1)pdm09, A(H3N2), A(H5N1) va V turiga nisbatan, adenovirus, paragripp virusi, respirator-sintsitial infektsiyalarga nisbatan; klinika oldi tadqiqotlarida kokronavirus, metapnevmavirus, enteroviruslar, shu jumladan Koksaki va rinovirusga nisbatan samaradorligi ko‘rsatilgan.
Ingavirin® preparati viruslarni tez chiqarilishiga, kasallikni muddatini qisqarishiga, asoratlarni rivojlanish xavfini kamayishiga yordam beradi.
Ta'sir mexanizmi virus oqsillari tomonidan susaytirilgan tug‘ma immunitetning omillarini rag‘batlanishi hisobiga infektsiyalangan xujayralar darajasida amalga oshadi. Eksperimental tadqiqotlarda, Ingavirin® preparati epitelial va immunokomponent xujayralar yuzasida interferonning birinchi tipdagi IFNAR retsetori eskpressiyasini oshiradi. Interferon retseptorlarining zichligini oshishi xujayralarning endogen interferonning signallariga sezuvchanligini oshishiga olib keladi. Ushbu jarayon viruslarga qarshi genlarni induktsiyasi uchun xujayra yadrosiga signalni o‘tkazuvchi STAT1 oqsil-transmitterini faollashuvi (fosforlanishi) bilan kechadi. Infektsiya sharoitlarida, preparat turli viruslarning xujayra ichidagi transport ribonukleoproteidlarini ingibitsiya qiluvchi antivirus effektor oqsil MxA ni ishlab chiqarilishini rag‘batlantirib, virus replikatsiyasi jarayonini sekinlashtirishi ko‘rsatilgan.
Ingavirin® preparati qonda interferon miqdorini fiziologik normagacha oshishini chaqiradi, qon leykotsitlarining pasaygan α-interferon ishlab ichqaruvchi xususiyatini rag‘batlantiradi va normallashtiradi, leykotsitlarining pasaygan γ-interferon ishlab chiqaruvchi xususiyatini rag‘batlantiradi. Sitotoksik limfotsitlar generatsiyasini chaqiradi va viruslar tomonidan zararlangan xujayralarga nisbatan yuqori killer faollikka ega bo‘lgan NK-T xujayralarining miqdorini oshiradi.
Yallig‘lanishga qarshi ta'siri asosiy yallig‘lanish sitokinlarini (o‘sma nekrozining omili (TNF-), interleykinlar (IL-1 va IL-6)) ishlab chiqarilishini susaytirilishi, miyeloperoksidaza faolligini pasayishi bilan bog‘liq.
Eksperimental tadqiqotlarda, Ingavirin® preparatini antibiotiklar bilan birga ishlatilishi bakterial sepsis modelida, shu jumladan stafilokokkning penitsillinga rezistent shtammlari tomonidan chaqirilgan sepsis modelida davolash samaradorligini oshirishi ko‘rsatilgan.
O‘tkazilgan eksperimental toksikologik tadqiqotlar, preparatning toksikligi past darajada va xavfsizlik profili yuqori darajada ekanligidan dalolat beradi.
O‘tkir toksikligi ko‘rsatkichlari bo‘yicha Ingavirin® preparati toksiklikning 4-sinfiga – “Kam zaharli moddalar” sinfiga mansubdir (o‘tkir toksiklik bo‘yicha LD50 ni aniqlash yuzasidan eksperimentlarda preparatning letal dozalarini aniqlab bo‘lmadi).
Preparat mutagen, immunotoksik, allergizatsiyalovchi va kantserogen xususiyatlarga ega emas, mahalliy ta'sirlovchi samara ko‘rsatmaydi. Ingavirin® preparati reproduktiv faoliyatga ta'sir qilmaydi, embriotoksik va teratogen ta'sir ko‘rsatmaydi.

Farmakokinetikasi

So‘rilishi va taqsimlanishi
Tavsiya qilingan dozalarda preparatni qon plazmasida mavjud bo‘lgan usullar bilan aniqlash mumkin emas.
Radiofaol nishonni ishlatish bilan o‘tkazilgan eksperimentda, preparatni me'da-ichak yo‘llaridan tez qonga tushishi aniqlangan. Ichki a'zolar bo‘ylab bir tekis taqsimlanadi. Qondagi, qon plazmasidagi va ko‘pchilik a'zolardagi maksimal kontsentratsiyasiga preparat yuborilganidan keyin 30 minutdan so‘ng erishiladi. AUC ko‘rsatkichi (kontsentratsiyasi – vaqt farmakokinetik egri chizig‘i ostidagi maydon), buyrak, jigar va o‘pkada, qondagi AUC ko‘rsatkichidan (43,77 mkg/soat) biroz yuqori. Taloq, buyrak usti bezlari, limfa tugunlari va timus uchun AUC ko‘rsatkichi, qonning AUC ko‘rsatkichidan past; MRT (preparatni qonda o‘rtacha tutib turilish vaqti) qonda – 37,2 soat.
Preparatni sutkada bir marta kurslik qabul qilishda, uni ichki a'zolarda va to‘qimalarda to‘planishi yuz beradi. Bunda preparatni har bir yuborishdan keyingi farmakokinetik egri chizig‘ining sifat xarakteristikalari o‘xshash bo‘lgan har bir yuborishdan keyin preparatning kontsentratsiyasini tez oshishi va so‘ngra 24 soatga borib asta-sekin pasayishi kuzatilgan.
Metabolizmi
Preparat organizmda metabolizmga uchramaydi va o‘zgarmagan holda chiqariladi.
Chiqarilishi
Asosiy chiqarilish jarayoni 24 soat davomida yuz beradi. Bu davrda qabul qilingan dozaning 80% chiqariladi preparatning 34,8% 0 dan 5 soatgacha bo‘lgan vaqt oralig‘ida 45,2% 5 dan 24 soatgacha bo‘lgan vaqt oralig‘ida chiqariladi. Ulardan 77% ichak orqali va 23% - buyrak orqali chiqariladi.

Qo‘llanilishi

Kattalarda A va V grippi va boshqa o‘tkir respirator virusli infektsiyalarni (adenovirus infektsiyasi, paragripp, respirator-sintsitial infektsiya) davolash va oldini olish uchun qo‘llaniladi.

Qo‘llash usuli va dozalari

Ichga, ovqat qabul qilishdan qat'iy nazar buyuriladi.
Gripp va o‘tkir respirator virusli infektsiyalarni davolash uchun 90 mg dan kuniga 1 marta buyuriladi.
Davolash davomiyligi 5-7 kun (bemorning holatni og‘irligiga qarab). Preparatni qabul qilishni kasallikning birinchi belgilari paydo bo‘lgan vaqtdanoq, kasallik boshlanganidan keyin kechi bilan 36 soatdan so‘ng boshlash kerak.
Gripp va o‘tkir respirator virusli infektsiyalarni oldini olish uchun bemor shaxslar bilan muloqatdan keyin 7 kun davomida 90 mg dan kuniga 1 marta buyuriladi.
Nojo‘ya ta'sirlari
Allergik reaktsiyalar (kam hollarda).

Qo‘llash mumkin bo‘lmagan holatlar

Preparatning faol moddasiga yoki har qanday boshqa komponentlariga yuqori sezuvchanlik.
Laktaza tanqisligi, laktozani o‘zlashtiraolmaslik, glyukoza-galaktozani malabsorbtsiya sindromi.
Homiladorlik.
Emizish davrida.
18 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Ingavarin® ning boshqa dori preparatlari bilan o‘zaro ta'sir holatlari aniqlanmagan.

Maxsus ko‘rsatmalar

Preparat sedativ ta'sir ko‘rsatmaydi, psixomotor reaktsiyalarning tezligiga ta'sir qilmaydi va turli, shu jumladan yuqori diqqat va harakat koordinatsiyasini talab etuvchi turli kasbdagi shaxslarda ishlatish mumkin.
Boshqa viruslarga qarshi preparatlar bilan bir vaqtda qo‘llash tavsiya qilinmaydi.
Homiladorlik va laktatsiya davrida qo‘llanishi
Homiladorlik vaqtida preparatni qo‘llanishi o‘rganilmagan.
Preparatni laktatsiya vaqtida qo‘llanishi o‘rganilmagan, shuning uchun preparatni laktatsiya davrida qo‘llashning zarurati bo‘lganida emizishni to‘xtatish kerak.
Transport vositalari, mexanizmlarni boshqarish qobiliyatiga ta'siri
O‘rganilmagan, biroq, ta'sir mexanizmi va nojo‘ya reaktsiyalar profilini hisobga olib, preparat transport vositalari, mexanizmlarni boshqarish qobiliyatiga ta'sir ko‘rsatmaydi deb taxmin qilish mumkin.
Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanilmasin.

Dozani oshirib yuborilishi

Preparatning dozasini oshirib yuborilish hollari ta'riflanmagan.

Chiqarilish shakli

Kapsulalar, 90 mg.
7 kapsuladan polivinilxlorid plyonka va bosma laklangan alyuminiy folgali kontur uyali o‘ramlarda.
Bir kontur uyali o‘ram qo‘llash bo‘yicha yo‘riqnomasi bilan karton qutiga joylangan.

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

«Valenta Farmatsevtika» OAJ, Rossiya
141101 Moskva viloyati, Sh’elkovo sh., Fabrichnaya ko‘ch., 2.
Tel. (495) 933-48-62, faks (495) 933-48-63.