Smekta susp. tayyorlash uchun kukun apelsin ta'mli 3g №30

Preparatning savdo nomi

Smekta®
Ta'sir etuvchi modda (XPN) diosmektit

Dori shakli

ichga qabul qilish uchun suspenziya tayyorlash uchun kukun.

Tarkibi

Bir paketcha (3 g) quyidagilarni saqlaydi
faol modda dioktaedrik smektit (diosmektit) - 3 g;
yordamchi moddalar glyukoza monogidrati, natriy saxarini, apelsin aromatizatori, vanilin aromatizatori.
Ta'rifi suspenziyani tayyorlaganda biroz apelsin hidli, oqdan biroz och-sariq rangligacha bo‘lgan kukun.

Farmakoterapevtik guruhi

diareyaga qarshi vosita.
ATX kodi A07VS05

Farmakologik xususiyatlari

Farmakodinamika

si
Smekta® tabiiy yo‘l bilan olingan preparat bo‘lib, adsorbtsiya qiluvchi ta'sir ko‘rsatadi. Shilliq to‘siqni barqarorlashtiradi, shilliqning glikoproteidlari bilan polivalent bog‘lar hosil qiladi, shilliqning miqdorini oshiradi, uning gastroprotektor xususiyatlarini (xlorid kislotaning vodorod ionlariga, safrodagi tuzlar, mikroorganizmlar va ularning toksinlariga salbiy ta'siriga nisbatan) yaxshilaydi.
Selektiv sorbtsion xususiyatlarga ega, bu uning diskoid-kristall tuzilishi bilan tushuntiriladi; me'da-ichak yo‘llarining bo‘shliqlaridagi bakteriyalar va viruslarni adsorbtsiya qiladi. Smekta®radioshaffof preparat bo‘lib, ahlat rangini o‘zgartirmaydi, terapevtik dozalarda fiziologik ichak tranziti vaqtiga ta'sir qilmaydi.

Farmakokinetikasi

Dioktaedrik smektit me'da-ichak yo‘llaridan so‘rilmaydi, o‘zgarmagan ko‘rinishda chiqariladi.

Qo‘llanilishi

-bolalar va chaqaloqlarda oral regidratatsiya bilan kompleksda va kattalarda o‘tkir diareya
-surunkali diareya
-gastritda, me'da va o‘n ikki barmoq ichakning yara kasalligida, kolitda jig‘ildon qaynashi, qorin dam bo‘lishi va qorinda diskomfort hissini simptomatik davolashda qo‘llanadi.

Qo‘llash usuli va dozalari

O‘tkir diareyani davolash
Bolalar
1 yoshgacha kuniga 2 paketchadan 3 kun davomida, so‘ngra kuniga 1 paketchadan buyuriladi.
1 yoshdan katta kuniga 4 paketchadan 3 kun davomida, so‘ngra kuniga 2 paketchadan buyuriladi.
Kattalar
O‘rtacha kuniga 3 paketcha.
Amaliyotda davolash kursining boshida (birinchi 3 kun davomida) sutkalik doza ikki marta oshirilishi mumkin.
Boshqa ko‘rsatmalar
Bolalar
1 yoshgacha kuniga 1 paketcha buyuriladi.
1 yoshdan 2 yoshgacha kuniga 1-2 paketcha buyuriladi.
2 yoshdan katta kuniga 2-3 paketcha buyuriladi.
Kattalar
O‘rtacha kuniga 3 paketcha.
Qo‘llash usuli
Ichga buyuriladi. Paketchaning ichidagisi bevosita iste'mol qilinishidan oldin eritilishi kerak.
Bolalar
Paketchaning ichidagisi bolalar butilkasida (50 ml) eritiladi va kun davomida bir necha qabul qilishga taqsimlanadi yoki biron bir yarim suyuq mahsulot (bo‘tqa, pyure, kompot, bolalar ozuqasi) bilan aralashtiriladi.
Kattalar
Paketchaning ichidagisi ½stakan suvda eritiladi.
Qabul qilish uchun eng yaxshi vaqt – ovqat qabul qilishlar orasida, ezofagitda – ovqatdan keyin buyuriladi.
Tavsiya qilingan davolash kursi 3-7 kun.
Nojo‘ya ta'sirlari
Tez-tez qabziyat (bunday hollarda dozani pasaytirib, davolashni davom ettirish mumkin).
Tez-tez emas ichakni dam bo‘lishi, qusish.
Eshakemi, toshma, qichishish yoki angionevrotik shishni o‘z ichiga oluvchi o‘ta yuqori sezuvchanlik reaktsiyalari to‘g‘risida xabarlar bo‘lgan.
Shuningdek qabziyatni og‘irlashishi to‘g‘risida xam xabar berilgan.

Qo‘llash mumkin bo‘lmagan holatlar

- preparatning komponentlariga o‘ta yuqori sezuvchanlik
- fruktozani o‘zlashtiraolmaslikda qo‘llash mumkin emas.
Dorilarning o‘zaro ta'siri
Preparat bir vaqtda qabul qilinayotgan dori vositalarning so‘rilish tezligi va/yoki darajasini kamaytirishi mumkin.

Maxsus ko‘rsatmalar

Smekta®va boshqa dori vositalarni qabul qilish orasidagi interval 1-2 soatni tashkil qilishi kerak.
Anamnezida og‘ir surunkali qabziyatlari bo‘lgan patsiyentlarga ehtiyotkorlik bilan qo‘llash kerak.
O‘tkir diareyasi bo‘lgan bolalarga, suvsizlanishga yo‘l qo‘ymaslik uchun preparat oral regidratatsion eritmani oldindan qabul qilish bilan kompleksda qo‘llanishi lozim.
Kattalarda o‘ziga xos xolatlardan tashqari hollarda, regidratatsiya zarur hisoblanmaydi.
Oral yoki vena ichiga yuboriladigan regidratatsion eritma bilan regidratatsiya davomiyligi kasallikning kechishi, patsiyentning yoshi va o‘ziga xos xususiyatlariga qarab buyuriladi.
Homiladorlik va laktatsiya davrida qo‘llanishi
Preparatni homiladorlik va laktatsiya davrida qo‘llash mumkin.
Dori vositasini transport vositalarini yoki potentsial xavli mexanizmlarni boshqarish qobiliyatiga ta'sirini o‘ziga xosligi.
Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari nojo‘ya ta'sirlar kuchayishi mumkin.
Davolash simptomatik davolash.

Chiqarilish shakli

Ichga qabul qilish uchun suspenziya tayyorlash uchun kukun alyumin folga va polietilen bilan laminatsiya qilingan qog‘oz paketchalarga joylangan.
10 yoki 30 paketchadan davlat va rus tillaridagi qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

25oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

BOFUR IPSEN Indastri, Fransiya
28100 DREUX, France
Qayd etish guvohnomasining egasi
IPSEN Farma, Fransiya
Mahsulotning (tovarning) sifati bo‘yicha iste'molchilardan Qozog‘iston Respublikasida e'tirozlarniqabul qiluvchi tashkilot
IPSEN PHARMA (IPSEN FARMA) AJ ning QR vakolatxonasi
050040 Almati sh., Al-Farobiy pr., 45, 2 of.
Tel./faks 8 (727) 2646448. 2646620, 2646715
Elektron pochta manzili aigul.ismagulova@ ipsen.kz