Konyuktivitga qarshi dorilar

Klodifen gl.kapli 0,1% po 5ml №1

Gidrokortizon  maz gl. 0,5 % 3gr Tathimfarmpreparaty

Maksitrol kapli gl. 5ml

Neladeks glaz.mazь 5g №1

Eritromitsinovaya maz glaznaya 1% 10 gr Rivulet    

Maksifloks gl. kapli 5mg/1ml 5ml

Nevanak kapli gl. 1mg/ml susp. 5ml

Medeksol gl./ush. kapli 0,1% 5ml №1

Medetrom glaz.kapli suspenziya 3ml/ml+1mg/ml 5ml №1

Oftakviks kapli glaznye 0,5 % 5 ml

L-optik gl. kapli 0,5% 5 ml

Tobradrop kapli glaznыe 0,3% 5ml №1

Moksi glaznye kapli 10 ml

Farmadeks kap. glaz. 0,1% 10 ml. p/e flak.

Bestoksol gl. kapli 4% 10ml №1

Tobrimed gl.kapli 0,3% 5ml №1

Floksimed glaz/ushnye kapli 0,3% №1

Emotrop kapli glaznыe 1% 5ml

Preparatning savdo nomi: Bivoksa
Ta'sir etuvchi modda (XPN): moksifloksatsin
Dori shakli: ko‘z tomchilari
Tarkibi:
1 ml preparat quyidagilarni saqlaydi:
faol modda: 5,0 mg moksifloksatsin (moksifloksatsin gidroxloridi shaklida);
yordamchi moddalar: natriy xloridi, xloridya kislotasi va/yoki natriy gidroksidi, borat kislotasi, in'ektsiya uchun suv.
Ta'rifi: och yashil sarg‘ish rangli tiniq eritma.
Farmakoterapevtik guruhi: Oftalmologiyada qo‘llanadigan vositalar. Mikroblarga qarshi vositalar. Ftorxinolonlar.
ATX kodi: S01AE07

Farmakologik hususiyatlari
Farmakodinamikasi
Moksifloksatsin - IV avlod ftorxinolonlar guruhiga mansub antibakterial preparat bo‘lib, bakteritsid ta'sirga ega. Grammusbat va grammanfiy mikroorganizmlar, anaerob, kislotaga chidamli va atipik bakteriyalarning keng doirasiga nisbatan faollik namoyon qiladi.
Ta'sir mexanizmi DNK-giraza va topoizomeraza IV fermentlarini ingibitsiya bo‘lishi oqibatida bakteriyalardagi DNK replikatsiyasi, reparatsiyasi va rekombinatsiyasi jarayonlarini buzilishi bilan bog‘liq.
Moksifloksatsin mikroorganizmlarning ko‘pchilik shtammlariga nisbatan (ham in vitro, ham in vivo sharoitlarida) faol:
Aerob grammusbat mikroorganizmlar: Corynebacterium spp., shu jumladan Corynebacterium diphtheriae, Micrococcus luteus, Staphylococcus aureus (metitsillinga sezgir), Staphylococcus epidermidis, Staphylococcus haemolyticus, Staphylococcus hominis, Staphylococcus warneri, Streptococcus pneumoniae, Streptococcus viridans guruhi;
Aerob grammanfiy mikroorganizmlar: Acinetobacler lwoffii, Haemophilus influenzae (shu jumladan ampitsillinga sezgir bo‘lmagan shtammlari), Haemophilus parainfluenzae;
Boshqa mikroorganizmlar: Chlamydia trachomatis.
Moksifloksatsin in vitro sharoitlarida quyida sanab o‘tilgan mikroorganizmlarning ko‘pchiligiga qarshi ta'sir qiladi, ammo bu ma'lumotlarning klinik ahamiyati ma'lum emas:
Aerob grammusbat mikroorganizmlar: Listeria monocytogenes, Staphylococcus saprophyticus, Streptococcus agalactiae, Streptococcus mitis, Streptococcus pyogenes, Streptococcus C, G, F guruhlari;
Aerob grammanfiy mikroorganizmlar: Acinetobacter baumannii, Acinetobacter calcoaceticus, Citrobacter freundii, Citrobacter koseri, Enterobacter aerogenes, Enterobacter cloacae, Escherichia coli, Klebsiella oxytoca, Klebsiella pneumoniae, Moraxella catarrhalis, Morganella morganii, Neisseria gonorrhoeae, Proteus mirabilis, Proteus vulgaris, Pseudomonas stutzeri;
Anaerob mikroorganizmlar: Clostridium perfringens, Fusobacterium spp., Prevotella spp., Propionibacterium acnes;
Boshqa mikroorganizmlar: Chlamydia pneumoniae, Legionella pneumophila, Mycobacterium avium, Mycobacterium marinum, Mycoplasma pneumoniae.
Farmakokinetikasi
Mahalliy qo‘llanganida moksifloksatsinni tizimli so‘rilishi yuz beradi: maksimal kontsentratsiyasi (Cmax) 2,7 ng/ml ni, AUC kattaligi 45 ng soat/ml ni tashkil etadi. Ushbu qiymatlar moksifloksatsin 400 mg terapevtik dozada peroral qabul qilinganidan keyingi Cmax va AUC qiymatlariga nisbatan taxminan 1600 marta va 1000 martaga kam. Moksifloksatsinni plazmadan yarim chiqarilish davri taxminan 13 soatni tashkil etadi.

Qo‘llanilishi
Preparat moksifloksatsinga sezgir mikroorganizmlar tomonidan chaqirilgan bakterial kon'yunktivitlarni davolash uchun ko‘rsatilgan.

Qo‘llash usuli va dozalari
Faqat mahalliy qo‘llash uchun mo‘ljallangan.
Preparat kon'yunktivaga yoki ko‘zning bevosita oldingi kamerasiga yuborilishi kerak.
Tomchilagich va eritmani mikroblar bilan ifloslanishini oldini olish uchun tomchilagichning uchini turli yuzalar bilan kontaktda bo‘lishidan saqlanish kerak.
Eritmani burunning shilliq qavati orqali, ayniqsa bolalarda, so‘rilishini oldini olish maqsadida ko‘z yoshi burun yo‘lini preparat tomizilgandan so‘ng 2-3 minutga yopish kerak.
Mahalliy qo‘llash uchun bir qancha oftalmologik preparatlar bir vaqtda buyurilganida ularni qo‘llash o‘rtasidagi tanaffus kamida 5 minut bo‘lishi kerak. Ko‘z surtmalarini oxirida qo‘llash kerak.
Kattalar va 1 yoshdan oshgan bolalarga Bivoksa preparati shikastlangan ko‘zga 1 tomchidan kuniga 3 marta tomiziladi. Odatda ko‘zning holatini yaxshilanishi 5 kundan keyin kuzatiladi, davolashni navbatdagi 2-3 kun davomida davom ettirish kerak. Agar 5 kun davomida holatini yaxshilanishi kuzatilmasa, tashxis va/yoki davolash qayta ko‘rib chiqilishi kerak. Davolashning davomiyligi shikastlangan ko‘zning og‘irlik darajasi, shuningdek kasallikning klinik hamda bakteriologik kechishiga bog‘liq.

Nojo‘ya ta'sirlari
Nojo‘ya samaralarning uchrash tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100 dan < 1/10 gacha); tez-tez emas (≥ 1/1000 dan < 1/100 gacha); kam hollarda (≥ 1/10000 dan < 1/1000 gacha); uchrash tezligi noma'lum (ma'lumotlar yetarli bo‘lmaganligi tufayli, uchrash tezligini aniqlash mumkin emas).
Qon va limfa tizimi tomonidan: kam hollarda – gemoglobinni pasayishi.
Immun tizimi tomonidan: uchrash tezligi noma'lum – o‘ta yuqori sezuvchanlik.
Nerv tizimi tomonidan: tez-tez emas – bosh og‘rig‘i; kam hollarda – paresteziya; uchrash tezligi noma'lum – bosh aylanishi.
Ko‘rish a'zolari tomonidan: tez-tez – ko‘zda og‘riq, ko‘zni ta'sirlanishi; tez-tez emas – nuqtali keratit, ko‘zni qurishi, kon'yunktivaga qon quyilishi, ko‘z giperemiyasi, ko‘zni qichishishi, qovoqlarni shishi, ko‘zda diskomfort hissi; kam hollarda – shox parda epiteliysini shikastlanishi, shox pardani shikastlanishi, kon'yunktivit, blefarit, ko‘zni shishi, kon'yunktivani shishi, ko‘rishni noaniqligi, ko‘rish o‘tkirligini pasayishi, astenopiya, qovoq eritemasi; uchrash tezligi noma'lum – endoftalmit, yarali keratit, shox parda eroziyasi, shox pardani yupqalashishi, ko‘z ichki bosimini oshishi, shox pardani xiralashishi, shox pardada infiltrat, shox pardada cho‘kma hosil bo‘lishi, ko‘z allergiyasi, keratit, shox pardani shishi, yorug‘likdan qo‘rqish, ko‘z yoshi ajralishini kuchayishi, ko‘zdan ajralma ajralishi, ko‘zda yod jism borligi hissi.
Yurak tomonidan: uchrash tezligi noma'lum – yurak urishini tezlashishi.
Nafas a'zolari, ko‘krak qafasi va ko‘ks oralig‘i a'zolari tomonidan: kam hollarda – burunda diskomfort hissi, halqum-xiqildoq og‘rig‘i, tomoqda yod jism borligi hissi; uchrash tezligi noma'lum – hansirash.
Me'da-ichak yo‘llari tomonidan: tez-tez emas – disgevziya; kam hollarda – qusish; uchrash tezligi noma'lum – ko‘ngil aynishi.
Jigar va o‘t chiqarish yo‘llari tomonidan: kam hollarda – alaninaminotransferaza va gammaglutamiltransferazaning darajasini oshishi.
Teri va teri osti to‘qimalari tomonidan: uchrash tezligi noma'lum – eritema, toshma, qichishish, eshakemi.

Qo‘llash mumkin bo‘lmagan holatlar
Preparatning komponentlariga yoki ftorxinolonlar guruhining boshqa dori vositalariga o‘ta yuqori sezuvchanlikda qo‘llash mumkin emas.

Dorilarning o‘zaro ta'siri
Mahalliy qo‘llanganidan so‘ng moksifloksatsinning tizimli kontsentratsiyasi past bo‘lganligi uchun dorilarning o‘zaro ta'siri aniqlanmagan.

Maxsus ko‘rsatmalar
Xinolon qatorining tizimli preparatlari qo‘llangan patsiyentlarda ba'zida birinchi dozasi qabul qilingan zahoti og‘ir darajadagi o‘ta yuqori sezuvchanlik reaktsiyalari (anafilaksiya) kuzatilgan. Bivoksaga allergik reaktsiya paydo bo‘lganida preparatni qo‘llashni to‘xtatish kerak.
Antibiotikni uzoq muddat qo‘llash sezgir bo‘lmagan mikroorganizmlar, shu jumladan zamburug‘larni haddan tashqari o‘sishiga olib kelishi mumkin. Superinfektsiya rivojlanganida preparatni bekor qilish va adekvat davolashni buyurish kerak.
Moksifloksatsin tizimli buyurilganida, ayniqsa keksa yoshdagi patsiyentlarda va kortikosteroidlarni olayotgan patsiyentlarda paylarni yallig‘lanishi va uzilishi yuz berishi mumkin. Moksifloksatsin oftalmologik qo‘llanganidan so‘ng uning plazmadagi kontsentratsiyasi ichga qabul qilingandagiga nisbatan ancha past, ammo ehtiyotkorlikka rioya qilish kerak va paylarni yallig‘lanishini birinchi belgilari paydo bo‘lganida Bivoksa preparati bilan davolash to‘xtatilishi kerak.
Homiladorlik va laktatsiya davrida qo‘llanishi
Homiladorlik va laktatsiya davrida Bivoksa preparatini ona uchun davolashdan kutiladigan foyda homila yoki bola uchun potentsial havfdan ustun bo‘lgan holatdagina qo‘llash mumkin.
Pediatriyada qo‘llanishi
1 yoshgacha bo‘lgan bolalarda moksifloksatsin ko‘z tomchilarini qo‘llash havfsizligi va samaradorligi bo‘yicha ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Preparat tomizilgandan keyin ko‘rish o‘tkirligini vaqtinchalik yo‘qotadigan patsiyentlar diqqatni jamlash va psixomotor reaktsiyalar tezligini talab etuvchi potentsial havfli faoliyat turlarini bajarishdan saqlanishlari kerak.
Preparat bolalar ololmaydigan joyda saqlansin va yaroqlilik muddati tugaganidan ishlatilmasin.

Dozani oshirib yuborilishi
Preparatning ortiqcha miqdori ko‘zga tushganida ko‘zni iliq suv bilan yuvish tavsiya etiladi.
Preparat bexosdan ichga qabul qilinganida dozani oshirib yuborilishi simptomlarini paydo bo‘lishi ehtimoli kam.


Chiqarilish shakli
Ko‘z tomchilari 5 ml dan tiqin tomchilagich va himoya xalqasi bilan ta'minlangan, buraladigan himoya qopqoqli plastik flakonda.
Flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti
25oS dan yuqori bo‘lmagan haroratda saqlansin.
Muzlatilmasin.
Flakon ochilganidan so‘ng preparat 28 kun davomida ishlatilsin.

Yaroqlilik muddati
3 yil.

Dorixonalardan berish tartibi
Retsept bo‘yicha.

Ishlab chiqaruvchi
Savdo belgisi va qayd etish sertifikatining egasi
«Uorld Meditsin Oftalmiks Ilachlari Ltd. Shti.», Turkiya
("World Medicine Ophthalmics Ilaçlari Ltd. Şti.", Turkey).

Ishlab chiqarilgan
«Uorld Meditsin Ilach San. ve Tidj. A.Sh.», Turkiya
(Bagdjilar Ilchesi, Gyuneshli, Evren Maxallesi,
Djami Yolu Djad. №50 K.1B Zemin 4-5-6, Istambul)
"World Medicine İlaç San. ve Tic. A.Ş.", Turkey
(Bağcılar İlçesi, Güneşli, Evren Mahallesi,
Cami Yolu Cad. No:50 K.1B Zemin 4-5-6, İstanbul).

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«EvroFarmBiznes» MChJ,
O‘zbekiston Respublikasi, Toshkent sh., Yakkasaroy tumani, Yakkasaroy ko‘ch. 1 uy.
Tel: 212-18-41, 212-20-58

Apdrops gl. kapli 0.5% 3ml